Xarici mütəxəssislər tərəfindən RSXM əməkdaşları üçün treninqlərə başlanılıb

Ukrayna Elm və Texnologiya Mərkəzinin dəstəyi ilə həyata keçirilən “Qafqazda və Mərkəzi Asiyada seysmik şəbəkənin genişləndirilməsi” (Seismic Network Expasion in the Caucasus and Central Asia) layihəsi çərçivəsində Azərbaycanda yeni seysmik stansiyaların quraşdırılması ilə bağlı Kanada və Amerikalı mütəxəssislər tərəfindən AMEA nəzdində Respublika Seysmoloji Xidmət Mərkəzinin əməkdaşları üçüm treninqlərə başlanılıb.

Onlayn şəkildə keçirilən treninqlərdə seysmik stansiyaların quraşdırılması və iş prinsipləri ilə bağlı mərkəz əməkdaşları xarici mütəxəssislər tərəfindən ətraflı məlumatlandırılıb. Həmçinin iş prosesində ortaya çıxan bir sıra suallara da aydınlıq gətirilib. Treninqlər iyulun 12-nə qədər davam edəcək. 

AMEA nəzdində RSXM-nin İnformasiya şöbəsi