RSXM-nin əməkdaşı Scopus bazasından istifadəyə dair sertifikatlarla təltif olunub

Azərbaycan Respublikası Elm və Təhsil Nazirliyi və Elsevier şirkətinin birgə təşkilatçılığı ilə Scopus bazasından istifadə üçün təşkil olunmuş onlayn kursda iştirak edən AMEA nəzdində Respublika Seysmoloji Xidmət Mərkəzinin əməkdaşı Aygün Sultanova kursu müvəffəqiyyətlə başa vurduğuna görə təşkilatçılar tərəfindən sertifikatlarla təltif olunub.

Scopusun dörd modulu üzrə təqdim olunan sertifikatları AMEA nəzdində RSXM-nin baş direktoru, AMEA-nın müxbir üzvü, professor Qurban Yetirmişli Aygün Sultanovaya təqdim edib.

Baş direktor mərkəzin gənc əməkdaşlarının müasir elmi axtarış bazalarının iş prinsipini öyrənməsinin vacib olduğunu qeyd edərək, elmi təşkilatlarda çalışan gənclərin bu sahədə fəal olmasının zəruri olduğunu deyib.