RSXM əməkdaşları Quba və Qusar rayonlarında səfərdə olublar

RSXM əməkdaşları Quba və Qusar rayonlarında səfərdə olublar.AMEA nəzdində Respublika Seysmoloji Xidmət Mərkəzinin Həmkarlar Təşkilatının təşkilatçılığı ilə mərkəzin bir qrup əməkdaşı şimal bölgəsində səfərdə olublar. Səfər çərçivəsində Quba və Qusar rayonlarında olan mərkəz əməkdaşları Quba Soyqırım Memorial Kompleksini ziyarət ediblər.

Ötən əsrin əvvəllərində, 1918-ci ildə bolşevik-erməni silahlı quldurlarının Quba şəhərində və ölkəmizin digər bölgələrində müsəlman əhaliyə qarşı törətdikləri soyqırım aktları nəticəsində günahsız qətlə yetirilən soydaşlarımız haqqında tarixi faktlarla tanış olublar, soyqırım qurbanlarının, eləcə də Azərbaycanın ərazi bütövlüyünün təmin olunması uğrunda I Qarabağ müharibəsinin və 44 günlük Vətən müharibəsinin şəhidlərinin xatirəsini ehtiramla yad ediblər.

Səfər zamanı mərkəz əməkdaşları Qusar rayonunda Şeyx Cüneyd türbəsində olmuş, bölgədə olan bir sıra başqa mədəni və tarixi abidələrlə tanış olublar.