RSXM əməkdaşları konfransda iştirak ediblər
Dekabrın 28-də Yaşıl Enerjiyə Dəstək Elmi - İnnovativ Təşəbbüs Qrupunun təşkilatçılığı ilə “COP29 Dünyanın Ekoloji Rifah və Sabitlik Platformasıdır” mövzusunda Beynəlxalq Multidissiplinar Konfransı keçirilib. 100-dən çox məruzənin təqdim olunduğu konfransda AMEA nəzdində Respublika Seysmoloji Xidmət Mərkəzinin əməkdaşları da iştirak ediblər.
RSXM-nin “Zəlzələ ocaqlarının dinamikası” şöbəsinin müdiri, geologiya-mineralogiya üzrə fəlsəfə doktoru, dosent Səbinə Kazımova və şöbənin mühəndisi Nərmin Təhlətli konfransda “Azərbaycanda palçıq vulkanları mövcud olan ərazilərdə insanların ekosisteminin yaxşılaşdırılması istiqamətində təkliflər” mövzusunda elmi məruzəni təqdim ediblər.