RSXM-də yubiley tədbiri keçirilib
AMEA nəzdində Respublika Seysmoloji Xidmət Mərkəzinin “Qravimetriya” şöbəsinin böyük elmi işçisi Mahirə Tağıyevanın 70 illik yubileyi qeyd olunub. AMEA nəzdində RSXM-nin baş direktoru, AMEA-nın müxbir üzvü, professor Qurban Yetirmişli Mahirə Tağıyevanın mərkəzdəki fəaliyyətindən danışaraq onun məsuliyyətli bir işçi kimi kollektivin hörmətini qazandığını bildirib.
Baş direktor Mahirə Tağıyevanı 70 illik yubileyi münasibəti ilə təbrik edərək, ona can sağlığı və fəaliyyətində uğurlar arzu edib.
Mahirə Tağıyeva mərkəz rəhbərliyinə göstərilən diqqətə görə minnətdarlığını bildirib.
Sonda yubilyar mərkəz rəhbərliyi tərəfindən “Fəxri Fərman”la təltif olunub.