RSXM-də yubiley tədbiri keçirilib

AMEA nəzdində Respublika Seysmoloji Xidmət Mərkəzinin Maliyyə və proqramlaşdırma şöbəsinin baş iqtisadçısı Saybət Baxışovanın 70 illik yubileyi qeyd olunub.

AMEA  nəzdində RSXM-nin  baş direktoru, AMEA-nın müxbir üzvü, professor Qurban Yetirmişli bildirib ki, Saybət Baxışova uzun illərdir ki, Respublika Seysmoloji Xidmət Mərkəzində çalışır, işlədiyi dövrdə kollektivin hörmətini qazanıb.

Baş direktor Saybət Baxışovanı 70 illik yubileyi münasibəti ilə təbrik edərək, ona can sağlığı və fəaliyyətində uğurlar arzu edib.

Sonda yubilyar mərkəz rəhbərliyi tərəfindən “Fəxri Fərman”la təltif olunub.