RSXM-də iclas keçirilib

İyunun 4-də AMEA nəzdində Respublika Seysmoloji Xidmət Mərkəzində iclas keçirilib.

İclasda RSXM-nin “Şəki” seysmik stansiyasının müdiri Aydın Abbasovun 70 illik yubileyi qeyd olunub. Yubilyar iclasa “Zoom” platforması üzərindən qoşulub. Həmçinin, mərkəzin respublikamızın ayrı-ayrı rayonlarında olan seysmik stansiyalarının əməkdaşları da onlayn şəkildə iclasda iştirak ediblər.

AMEA nəzdində RSXM-nin baş direktoru, AMEA-nın müxbir üzvü, professor Qurban Yetirmişli Aydın Abbasovun uzun illərdən bəridir ki, RSXM-də çalışdığını, öz işgüzarlığı və davranışı ilə kollektiv arasında böyük hörmət qazandığını qeyd edib.

Baş direktor A.Abbasovun 70 illik yubileyi münasibəti ilə RSXM-i tərəfindən “Fəxri Fərman”la təltif olunduğunu bildirərək, yubilyarı bir daha təbrik edib və ona gələcək işlərində uğurlar arzulayıb.

RSXM-nin “Şəki” seysmik stansiyasının müdiri Aydın Abbasov göstərilən diqqətə görə öz minnətdarlığını bildirərək, mərkəz rəhbərliyinin hər zaman öz əməkdaşlarına diqqət və qayğı ilə yanaşdığını qeyd edib.