RSXM-də hərbiləşdirilməmiş mülki müdafiə dəstələri ilə xəbərdarlıq və toplanış üzrə növbəti müdafiə məşqi keçirilib

Sentyabrın 2-də AMEA nəzdində Respublika Seysmoloji Xidmət Mərkəzində hərbiləşdirilməmiş mülki müdafiə dəstələri ilə xəbərdarlıq və toplanış üzrə növbəti müdafiə məşqi keçirilib.

Məşqə AMEA nəzdində Respublika Seysmoloji Xidmət Mərkəzinin Mülki müdafiə qərargahı və Mülki müdafiə qüvvələrinin heyəti cəlb olunub.

RSXM-nin Mülki Müdafiə Qərargahının rəisi Azad Rzayev tədbir iştirakçılarına məşqin keçirilməsinin əhəmiyyətindən, xəbərdarlıq sisteminin vəziyyətinin yoxlanılmasından, eləcə də məşq zamanı ortaya çıxa biləcək çatışmazlıqların aradan qaldırılması istiqamətində görüləcək işlərdən danışıb. 

Azad Rzayev fövqəladə hadisələrin aradan qaldırılması zamanı mülki müdafiə qüvvələrinin hazırlığının yoxlanılmasının vacibliyini də vurğulayıb.

Daha sonra AMEA Rəyasət Heyətinin Mülki Müdafiə qərargahının rəis  müavini Hikmət Babayev çıxış edərək təbii və texnogen səbəblərdən baş verən fövqəladə hadisələr və onlarla mübarizə imkanlarından danışıb.

Sonda mövzuya dair təlimat xarakterli məlumat kitabçası nümayiş etdirilib.