RSXM-də gənc alim və mütəxəssislər üçün hazırlıq kursları yenidən başlayıb

AMEA nəzdində Respublika Seysmoloji Xidmət Mərkəzində kadr potensialının yüksəldilməsi, gənc alim və mütəxəssislərin dil biliklərinin təkmilləşdirilməsi ilə bağlı hazırlıq kursları yenidən fəaliyyətə başlayıb.

Xarici dil kursları iki istiqamətdə - İngilis dili və rus dili üzrə keçirilir. Bununla yanaşı, RSXM-nin “Tədris” şöbəsi tərəfindən gənc alim və mütəxəssislər üçün ixtisas fənləri istiqamətində ixtisas dərslərinə də başlanılıb. Yer elmləri sahəsi üzrə keçilən ixtisas dərslərini RSXM-nin və AMEA-nın Yer elmləri bölməsinə daxil olan digər elmi təşkilatların alimləri tədris edirlər.

Qeyd edək ki, kursların sonunda gənc alim və mütəxəssislər müvafiq olaraq “İxtisas” və “Xarici dil” kursları üzrə test imtahanı verəcəklər.

AMEA nəzdində RSXM-nin İnformasiya şöbəsi