RSXM-də Gənc Alim və Mütəxəssislər Şurasının iclası keçirilib

Aprelin 12-də AMEA nəzdində Respublika Seysmoloji Xidmət Mərkəzində (RSXM) Gənc Alim və Mütəxəssislər Şurasının iclası keçirilib. İclasda şura sədri Afaq Ağazadə əvvəlcə AMEA nəzdində RSXM-nin Gənc Alim və Mütəxəssislər Şurası tərəfindən görülən işlər haqqında məlumat verib.

İclasda 2022-ci ildə AMEA-nın doktorantura və dissertantura pilləsinə keçiriləcək qəbul prosesi, eləcə də, xarici ölkələrin universitetlərində olan təqaüd proqramlarında iştirakla bağlı əməkdaşlar məlumatlandırılıb. Müzakirələr zamanı RSXM-də çalışan gənc alim və mütəxəssislərin Ümummilli Lider Heydər Əliyevin anadan olmasının 99-cu illiyinə həsr olunmuş Gənc Tədqiqatçıların VI Beynəlxalq Elmi konfransına hazırlığı, eləcə də, AMEA nəzdində RSXM-nin “Seysmologiya” futbol komandasının institutlararası VII Futbol çempionatında iştirakı məsələlərinə də toxunulub.

Bundan başqa, mərkəzdə keçiriləcək təcrübə proqramında gənc alim və mütəxəssislərin iştirakına dair məlumatlandırılma aparılıb və suallar cavablandırılıb.

 AMEA nəzdində RSXM-nin İnformasiya şöbəsi