RSXM-də Elmi-Texniki Şuranın iclası keçirilib

Martın 29-da AMEA nəzdində Respublika Seysmoloji Xidmət Mərkəzinin Elmi - Texniki Şurasının növbəti iclası keçirilib. Əvvəlcə RSXM-nin baş direktoru, AMEA-nın müxbir üzvü, professor Qurban Yetirmişli tərəfindən iclasın gündəliyi elan edilib.

Daha sonra mərkəzin “Seysmologiya” şöbəsinin müdiri, geologiya-mineralogiya elmlər doktoru Tahir Məmmədli "Azərbaycan Respublikası ərazisinin şimal hissəsi və Rusiya Federasiyasının cənub hissəsi daxil olmaqla Böyük Qafqazın şərq seqmentinin seysmotektonik və paleoseysmoloji tədqiqi" mövzusunda məruzəsini təqdim edib.

“Maqnitometriya” şöbəsinin müdiri, geologiya-mineralogiya elmlər doktoru Hümbət Vəliyev "Şəki və Oğuz rayonlarının sərhəddindən axan Əlicançay çayı üzərində tikintisi nəzərdə tutulan su anbarının seysmik təhlükənin qiymətləndirilməsi"nə dair aparılmış işlərin hesabatı haqqında məlumat verib.

İclasda həmçinin Elmi - Texniki Şuranın gündəliyinə daxil olan digər məsələlər də müzakirə olunub.

AMEA nəzdində RSXM-nin İnformasiya şöbəsi