Gürcüstanlı seysmoloqlar İsmayıllı rayonuna səfər ediblər

Azərbaycanda səfərdə olan Gürcüstan Respublikası İlia Dövlət Universitetinin Yer Elmləri İnstitutu və Seysmik Monitorinq Mərkəzinin əməkdaşları Mixael Tserodze və Albert Buzaladze AMEA nəzdində Respublika Seysmoloji Xidmət Mərkəzinin “Beynəlxalq əlaqələr” şöbəsinin müdiri Telman Cəfərovla birlikdə İsmayıllı rayonuna səfər ediblər. Səfər çərçivəsində gürcüstanlı qonaqlar RSXM-nin İsmayıllı rayonunu Zərnəva yaşayış məntəqəsində yeni quraşdırılmış seysmik stansiyasının işi ilə yaxından tanış olublar.

Xatırladaq ki, İsmayıllı rayonunda Zərnəva seysmik stansiyası beynəlxalq qrant layihəsi çərçivəsində bu il quraşdırılıb.

AMEA nəzdində RSXM-nin İnformasiya şöbəsi