Fransa-Azərbaycan Universitetinin tələbələri RSXM-nin poliqonlarında təcrübə keçəcəklər

Bakıda fəaliyyət göstərən Fransa -Azərbaycan Universitetinin direktoru, dosent Vazeh Əsgərov AMEA nəzdində Respublika Seysmoloji Xidmət Mərkəzində olub. RSXM-nin baş direktoru, AMEA-nın müxbir üzvü, professor Qurban Yetirmişli ilə keçirilən görüşdə ikitərəfli əməkdaşlıq məsələləri, Fransa-Azərbaycan Universiteti tələbələrinin RSXM-nin bazasından istifadə etməklə yay təcrübi praktikasının keçirilməsinə hazırlıqla bağlı məsələlər müzakirə olunub.

 Qeyd edək ki, Strasburq Universitetinin və Fransa-Azərbaycan Universiteti rəhbərliyinin təşəbbüsü ilə bu ali məktəbin Yer elmləri ixtisası istiqamətində təhsil alan tələbələri təcrübi praktikanı mərkəz əməkdaşlarının ekspedisiya apardıqları poliqonlarda keçəcəklər.

AMEA nəzdində RSXM-nin İnformasiya şöbəsi