Azərbaycan seysmoloqlarından ordumuza dəstək

Sentyabrın 27 - də səhər saat 06:00 radələrində Ermənistan silahlı qüvvələri tərəfindən Azərbaycan ərazisinə qarşı törədilən təxribatla bağlı ordumuzun  düşmənə əks-həmlə zərbələri endirərək, qısa müddətdə 7 kəndimizi və işğal olunmuş ərazilərimizdə strateji mövqeləri tutması bütün Azərbaycan xalqı tərəfindən böyük  sevinclə qarşılandı. 

Azərbaycan seysmoloqları ordumuzun tezliklə Qarabağı və işğal altında olan bütün torpaqlarımızı azad edəcəyinə inanır, hər zaman bir əsgər kimi Ali Baş Komandanımızın əmrində və ordumuzun yanında olduqlarını bəyan edirlər. Prezindetimizin apardığı uğurlu siyasəti dəstəkləyirlər. 

Bu məqsədlə bu gün Azərbaycan Seysmoloqlar Assosiasiyası İctimai Birliyi tərəfindən Azərbaycan Silahlı  Qüvvələrə Yardım Fonduna 10 min manat vəsait köçürülmüşdir.

Qələbə bizimlədir!  

Qarabağ Azərbaycanındır!

Tanrı bu şərəfli döyüşdə xalqımızı və əsgərlərimizi qorusun!

AMEA nəzdində RSXM-nin İnformasiya şöbəsi