Şəki seysmik stansiyası

Şəki rayonu dəniz səviyyəsindən 500-850 metr hündürlükdə yerləşir. Baş Qafqaz silsiləsinin qarlı zirvələrinin yüksəkliyi bəzi yerlərdə 3000 - 3500 m-ə çatır. Dağlarda Yura, Təbaşir, dağ ətəklərində Neogen və Antropogen çöküntüləri yayılmışdır. Şəki ərazisində sel hadisəsi daha tez-tez müşahidə edilir. Şəki şəhərinin salınma tarixi çox qədim olduğundan bu günə kimi dəqiq müəyyənləşdirilməmişdir. Şəki Qafqaz Albaniyasının ən mühüm şəhərlərindən biri olmuşdur. IV əsrdə xristianlıq yayıldıqda Şəki əyaləti Albaniyanın dini mərkəzlərindən olmuşdur. Şəki Qafqazda ipək istehsalının əsas mərkəzi kimi taninır.